ەلوردادا ەكى جاياۋ جۇرگىنشىنى قاعىپ كەتكەن «KIA» اۆتوكولىگىنىڭ جۇرگىزۋشى قاماۋعا الىندى, دەپ حابارلايدى Egemen.kz.
نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, 31 قازان كۇنى ساعات 13:33-تە «Kia» ماركالى اۆتوكولىكتىڭ 22 جاستاعى جۇرگىزۋشىسى ءۋاليحانوۆ كوشەسىنىڭ بويىمەن كەلە جاتىپ, قارسى باعىتقا شىعىپ كەتكەن.
وندا جولدان ءوتىپ بارا جاتقان ەكى جاياۋ جۇرگىنشىنى قاققان. كەيىن ينەرتسيامەن «لادا» كولىگىمەن سوقتىعىسقان. جول-كولىك وقيعاسى سالدارىنان 60 جاستاعى جاياۋ جۇرگىنشى العان جاراقاتىنان وقيعا ورنىندا كوز جۇمدى.
اتالعان فاكتى بوىنشا قر قك 345-بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. «Kia» جۇرگىزۋشىسى ۇستالىپ, نۇر-سۇلتان قالاسىنىڭ پد ۋاقىتشا ۇستاۋ يزولياتورىنا قامالدى.