بيىلعى جىلدىڭ ءۇش توقسانىندا قازاقستاندا ەلەكتر ەنەرگياسىن ءوندىرۋ 83,6 ملرد كۆت/ساع-تى قۇرادى. بۇل ءبىر جىل بۇرىنعىعا قاراعاندا 7,7%-عا كوپ, دەپ حابارلايدى Egemen.kz Ranking.kz-كە سىلتەمە جاساپ.
ەلەكتر ەنەرگياسىن تۇتىنۋ وڭتۇستىك ايماق بويىنشا 12%-عا دەيىن ارتقان.
قازاقستاننىڭ ءۇش وڭىرىندە - اتىراۋ, پاۆلودار جانە سولتۇستىك قازاقستان وبلىستارىندا ەلەكتر ەنەرگياسى ارتىعىمەن تۇتىنىپ جاتسا, قالعان وڭىرلەردە ەنەرگيا تاپشىلىعى بايقالادى. ولاردىڭ كوبىندە تۇتىنۋ وندىرىستەن بىرنەشە ەسە اسىپ تۇسەدى.
جارىقتى تۇتىنۋ كولەمىنىڭ ۇلعايۋى ەلىمىزدىڭ بارلىق وڭىرىندە تىركەلگەن, ەڭ كوبى - قىزىلوردا (جىلىنا 16,5%), باتىس قازاقستان (14,3%), اقمولا (14,2%), تۇركىستان (12,7%) جانە الماتى (11,4%) وبلىستارىندا.
ايتا كەتسەك, ەلەكتر ەنەرگياسىن تۇتىنۋدىڭ مۇنداي ءوسىمى وتكەن جىلعى كورسەتكىشتەردەن كۇرت اسىپ تۇسەدى. 2020 جىلدىڭ ۇقساس كەزەڭىندە ەلەكتر ەنەرگياسىن تۇتىنۋ كولەمىنىڭ ءوسىمى تەك 1,5%, 2019 جىلى - 1,6% قۇراعان بولاتىن.