قارجى ءمينيسترى ەرۇلان جاماۋباەۆ تۇركىستان وبلىسىنا باردى. ول «اۋىل – ەل بەسىگى» باعدارلاماسى اياسىندا جۇزەگە اسىرىلىپ جاتقان جۇمىستاردى كورىپ, الەۋمەتتىك نىسانداردى ارالادى, دەپ حابارلايدى Egemen.kz.
ءىسساپار بارىسىندا قارجى ءمينيسترى ورداباسى, بايدىبەك, قازىعۇرت اۋداندارىنىڭ ءبىلىم بەرۋ جانە دەنساۋلىق ساقتاۋ, مادەنيەت جانە سپورت نىساندارىنىڭ جاي-كۇيىمەن تانىستى. سونداي-اق ە.جاماۋباەۆ شىمكەنت قالاسىندا اۋدان, قالا اكىمدەرىنىڭ جانە باسقا دا مەملەكەتتىك ورگاندار باسشىلارىنىڭ قاتىسۋىمەن قورىتىندى وتىرىس وتكىزدى.
ول ءوز سوزىندە «اۋىل – ەل بەسىگى» جوباسىن ىسكە اسىرۋعا وبلىس بيۋدجەتى ءۇشىن اعىمداعى جىلى رەسپۋبليكالىق بيۋدجەتتەن 14,9 ملرد. تەڭگە بولىنگەنىن اتاپ ءوتتى.