بۇگىن قر اقپارات جانە قوعامدىق دامۋ ءمينيسترى ا.بالاەۆا حالىقارالىق كوشى-قون ۇيىمىنىڭ (حكۇ) ورتالىق ازيا بويىنشا سۋبوڭىرلىك ۇيلەستىرۋشىسى, قازاقستان, قىرعىزستان, وزبەكستان جانە تۇرىكمەنستانداعى ميسسيانىڭ باسشىسى زەينال گادجيەۆپەن كەزدەستى, دەپ حابارلايدى Egemen.kz.
مينيستر ۆەدومستۆونىڭ قىزمەتىمەن, ونىڭ ىشىندە دياسپورالدىق ساياسات سالاسىندا جۇرگىزىلىپ جاتقان جۇمىستارمەن تانىستىردى.
ز.گادجيەۆ قازاقستاننىڭ كوشى-قوندى باسقارۋدىڭ زاماناۋي جۇيەسىن قۇرۋ جونىندەگى كەشەندى مىندەتتەردى شەشۋدەگى ماڭىزدى ءرولىن اتاپ ءوتتى.
تاراپتار ءوزارا ءىس-قيمىلدىڭ باسىم باعىتتارىن, ونىڭ ىشىندە ازىرلەنىپ جاتقان «قر ۇكىمەتىنىڭ شەتەلدىك دياسپورالارمەن ءوزارا ءىس-قيمىل بويىنشا كۇش-جىگەرىن قولداۋ» جوباسىن تالقىلادى.
كەزدەسۋ قورىتىندىسى بويىنشا تاراپتار ءبىر-ءبىرىن اعىمداعى جانە جوسپارلانعان ءىس-شارالار تۋرالى حاباردار ەتىپ, ىنتىماقتاستىقتى دامىتۋعا دايىن ەكەندىكتەرىن ءبىلدىردى.