قازاقستان ۇكىمەتى بۇۇ دامۋ باعدارلاماسىمەن استانا مەملەكەتتىك قىزمەت حابىنا قولداۋ كورسەتۋ كەلىسىمىن ۇزارتتى. بۇل تۋرالى استانا مەملەكەتتىك قىزمەت حابى باسقارۋشى كوميتەتىنىڭ توراعاسى ءاليحان بايمەنوۆ ايتتى, دەپ حابارلايدى Egemen.kz.
«قازاقستان ۇكىمەتى بۇۇ دامۋ باعدارلاماسىمەن 2023 جىلعا دەيىن استانا مەملەكەتتىك قىزمەت حابىنا ينستيتۋتسيونالدى قولداۋ تۋرالى كەلىسىمدى ۇزارتتى. وسى ماسەلەگە قاتىستى قازاقستان ۇكىمەتىنىڭ, اسىرەسە سىرتقى ىستەر مينيسترلىگى مەن مەملەكەتتىك قىزمەت ىستەرى اگەنتتىگىنىڭ جان-جاقتى قولداۋىن وتە جوعارى باعالايمىز. بۇل تۇرعىدا بۇۇ دامۋ باعدارلاماسىنىڭ بارلىق ۇيىمى تاراپىنان باعا جەتپەس قولداۋعا يە بولىپ وتىرمىز», دەدى ءاليحان بايمەنوۆ. ەلوردادا ءوتىپ جاتقان استانا مەملەكەتتىك قىزمەت حابىنىڭ «مەملەكەتتىك قىزمەتتىڭ دامۋى جانە ىنتىماقتاستىق» اتتى جىلدىق كونفەرەنتسياسىندا.
ايتا كەتەيىك, كونفەرەنتسيا جۇمىسىنا الەمنىڭ 40-تان استام ەلىنەن مەملەكەتتىك قىزمەت ۋاكىلەتتى ورگاندارى باسشىلارى, ساراپشىلار, عالىمدار, سونداي-اق حالىقارالىق ۇيىمدار وكىلدەرى قاتىسىپ جاتىر.
ءىسشارا 27-29 قازان ارالىعىندا نۇر-سۇلتان قالاسىندا وففلاين جانە ونلاين فورماتىندا وتەدى.