تۇركىستان وبلىسىنىڭ پوليتسيا دەپارتامەنتى دەسترۋكتيۆتى-ءدىني اعىمعا بايلانىستى ەكسترەميستىك ماتەريالداردى تاراتقان كۇدىكتىنىڭ ۇستالعانى تۋرالى حابارلايدى, دەپ جازادى Egemen.kz.
«الەۋمەتتىك جەلىلەرگە مونيتورينگ جۇرگىزۋ بارىسىندا تۇركىستان وبلىسى پد ەكسترەميزمگە قارسى ءىس-قيمىل باسقارماسىنىڭ جەدەل ۋاكىلدەرى دەسترۋكتيۆتى-ءدىني اعىمنىڭ يدەولوگياسىن ناسيحاتتايتىن ەكسترەميستىك سيپاتتاعى بەينەروليكتەر مەن باسقا دا ماتەريالداردى ورنالاستىرۋ فاكتىلەرىن انىقتادى. جەدەل-ىزدەستىرۋ شارالارى بارىسىندا پوليتسيا قىزمەتكەرلەرى ەكسترەميستىك ماتەريالداردى تاراتقان كۇدىكتىنى انىقتاپ, ۇستادى. ول تۇركىستان وبلىسىنىڭ تۇرعىنى بولىپ شىقتى», دەلىنگەن حابارلامادا.
ۇستالعان ادامنان ءدىني سيپاتتاعى اۋديوجازبالارى بار ۇيالى تەلەفوندار, تىيىم سالىنعان ءدىني ادەبيەتتەر جانە وزدىگىنەن جازىلعان پاراقتار الىندى.
اتالعان فاكتىنى پوليتسيا قىزمەتكەرلەرى قر قك-ءنىڭ 256-بابى «تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا تۇردە شاقىرۋ» بويىنشا تىركەدى. ۇستالعان ازاماتقا قاتىستى سوتقا دەيىنگى تەرگەۋ امالدارى جۇرگىزىلۋدە. بىرقاتار ساراپتامالار تاعايىندالدى.