قىسقى وليمپيادا ويىندارى مەدالدارىنىڭ ديزاينى تانىستىرىلدى

بۇگىن جۇلدەگەرلەرگە تابىستالاتىن مەدالدار ديزاينى جاريالاندى. 

مەدالدىڭ بەتىندە وليمپيادانىڭ بەس ساقيناسى بەينەلەنىپ, XXIV Olympic Winter Games Beijing 2022 جازۋى جازىلعان. 

مەدالدىڭ باستى بەتىندە وليمپيادانىڭ بەس ساقيناسى بەينەلەنىپ, سپورت شاراسىنىڭ اعىلشىن تىلىندەگى تولىق اتاۋى – XXIV Olympic Winter Games Beijing 2022 دەپ جازىلعان, سونداي-اق بۇلت جانە قار ۇشقىندارىمەن ورنەكتەلگەن. 

مەدال بەتىنەن اسپان, جەر جانە ادام اراسىنداعى ۇيلەسىمدىكتى بەينەلەيتىن قىتايلىق ءداستۇرلى فيلوسوفيانى بىلدىرگەن بەس شوعىرلاس ساقينانى كورۋگە بولادى. 

رەۆەرسىندە بەيجىڭدەگى قىسقى وليمپيادانىڭ ەمبلەماسى مەن ويىنداردىڭ قىتاي تىلىندەگى اتاۋى بار. ەمبلەمانىڭ جان-جاعىنداعى ساقينالاردا ەسەپ بويىنشا 24-ءشى قىسقى وليمپيادا ويىندارىنىڭ قۇرمەتىنە 24 نۇكتە ويىلعان.

قازاقپاراتتىڭ حابارلاۋىنشا, «بەيجىڭ-2022» ۇيىمداستىرۋ كوميتەتى سونداي-اق پاراليمپيادا ويىندارىنىڭ جۇلدەگەرلەرىنە بەرىلەتىن ناگرادالار ديزاينىن دا ۇسىنعان. 

ەسكە سالا كەتسەك, XXIV قىسقى وليمپيادا ويىندارى 2022 جىلدىڭ 4-20 اقپان كۇندەرى بەيجىڭ قالاسىندا وتەدى.