«قوساق» وتكىزۋ پۋنكتىندە رەسەيدىڭ 46 جاستاعى تۇرعىنىنىڭ جەڭىل كولىگىنەن ەلەكتروشوكەر تابىلدى, دەپ حابارلايدى Egemen.kz.
«پاۆلودار وبلىسى ۋسپەن اۋدانىنىڭ پوليتسياسىنا شەكارا قىزمەتكەرلەرى «قوساق» شەكارا باقىلاۋى بولىمىندە رەسەي فەدەراتسياسىنىڭ 46 جاستاعى تۇرعىنىنىڭ «حوندا» كولىگىنەن رۇقسات قاعازدارى جوق «تاندەر ك.222» ماركالى ەلەكتروشوكەر انىقتالعانىن حابارلادى», دەپ حابارلادى پاۆلودار وبلىستىق پوليتسيا دەپارتامەنتىنەن.
«يەسى قازاقستانعا ەلەكتر قارۋىن كىرگىزۋگە رۇقسات بەرەتىن قۇجاتتارىنىڭ جوق ەكەنىن راستادى», دەپ اتاپ ءوتتى پاۆلودار وبلىسى ۋسپەن اۋدانىنا قاراستى اكىمشىلىك پوليتسيا باستىعى الەكساندر سەمەنچەنكو.
«ەلەكتر قارۋىن زاڭسىز ساقتاۋ جانە تاسىمالداعان رەسەي فەدەراتسياسى ازاماتىنا قاتىستى اكىمشىلىك ءوندىرىس قوزعالىپ, ەلەكتروشوكەر الىنعان. ماتەريال سوتتا قارالىپ, رف 46 جاستاعى ازاماتىنا 20 اەك (58 340 تەڭگە) كولەمىندە ايىپپۇل سالىندى», دەپ اتاپ ءوتتى ا.سەمەنچەنكو.
2021 جىلدىڭ باسىنان بەرى پاۆلودارلىق پوليتسەيلەر قارۋدى زاڭسىز ساتىپ الۋ, تاپسىرۋ, ساتۋ, ساقتاۋ, الىپ ءجۇرۋ جانە تاسىمالداعان 92 ادامدى جازاعا تارتتى.