سولتۇستىك قازاقستان وبلىسى اكىمىنىڭ دەنساۋلىق ساقتاۋ سالاسىنا جەتەكشىلىك ەتەتىن ورىنباسارى قاراماعىنداعى قىزمەتكەردىڭ كەسىرىنەن قىزمەتىنەن ايرىلۋى مۇمكىن, دەپ حابارلايدى Egemen.kz.
ء«بىز زاڭدى ورىندايمىز. ەگەر باعىنىشتى ادامنىڭ كىناسى دالەلدەنسە, تيىسىنشە سالاعا جەتەكشىلىك ەتەتىن ورىنباسار تاراپىنان وتستاۆكاعا كەتۋ تۋرالى ءوتىنىش بەرىلۋى ءتيىس», - دەدى سولتۇستىك قازاقستان وبلىسىنىڭ اكىمى قۇمار اقساقالوۆ,
ەستەرىڭىزگە سالا كەتەيىك, 26 قازان كۇنى سوت دەنساۋلىق ساقتاۋ باسقارماسىنىڭ بۇرىنعى باسشىسى قابدراحمان ساقتاعانوۆقا "دەنساۋلىق" جمۋ ديرەكتورىنان پارا العانى ءۇشىن 5,8 ملن تەڭگە كولەمىندە ايىپپۇل سالۋعا ۇكىم شىعاردى.
باق وكىلدەرىمەن كەزدەسۋدە ءوڭىر باسشىسى قۇمار اقساقالوۆ دەنساۋلىق ساقتاۋ سالاسىنا اسقار ساقىپكەرەەۆ جەتەكشىلىك ەتەتىنىن ايتتى. قولدانىستاعى زاڭناماعا سايكەس, ۇكىم زاڭدى كۇشىنە ەنگەننەن كەيىن ول وتستاۆكاعا كەتۋ تۋرالى ءوتىنىش جازۋعا مىندەتتى.