شىعىس قازاقستان وبلىسى بورودۋليحا اۋدانىندا 59 جاستاعى ەر ادامدى ولتىرگەن كۇدىكتى قولعا ءتۇستى, دەپ حابارلايدى Egemen.kz.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قازان ايىنىڭ باسىندا «102» جەدەل ارناسىنا بەلگىسىز ايەل حابارلاسقان. ول جاڭا ءشۇلبى اۋىلى كوشەلەرىنىڭ بىرىندەگى ۇيدەن زورلىقپەن ولتىرىلگەن ەر ادامنىڭ ءمايىتى تابىلعانىن جەتكىزگەن.
«جەدەل-ىزدەستىرۋ شارالارىن جۇرگىزگەن ءتارتىپ ساقشىلارى كۇدىكتىنى ۇستادى. ول بورودۋليحا اۋدانىنىڭ 19 جاستاعى تۇرعىنى بولىپ شىقتى. جاۋاپ الۋ باراسىندا ەر ادام ءوز كىناسىن مويىندادى», دەدى وبلىستىق پد باستىعىنىڭ ورىنباسارى تالعات شاياحمەتوۆ.
انىقتالعانداي, قاسكوي ىشىمدىك ءىشۋ بارىسىندا 59 جاستاعى جابىرلەنۋشىمەن جانجالداسىپ, كۇرەكپەن جانە قايشىمەن سوققىعا جىققان.
قازىرگى ۋاقىتتا (قر قك-ءنىڭ 99-بابى 1-بولىگىنە سايكەس (ادام ءولتىرۋ) سوتقا دەيىنگى تەرگەۋ امالدارى باستالدى.
كۇدىكتى 8 جىلدان 15 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.