دۇنيە ءجۇزىن دۇرلىكتەرگەن كوروناۆيرۋستىق ينفەكتسيامەن اۋىرعان ازاماتتار, ونىڭ ىشىندە جۇكتى ايەلدەر مەن بالالار سانىنىڭ وسۋىنە بايلانىستى قوستاناي وبلىسى اكىمدىگىنىڭ دەنساۋلىق ساقتاۋ باسقارماسى تۇرعىنداردىڭ قاۋىپسىزدىك شارالارىن ساقتاۋى كەرەكتىگىن ەسكەرتتى, دەپ حابارلايدى Egemen.kz.
قوستاناي وبلىسىندا سوڭعى تاۋلىكتە ەپيدەميولوگيالىق جاعداي كۇرت ناشارلاعان. وتكەن تاۋلىكتە COVID-19 سىرقاتىمەن 128 جاعداي تىركەلگەن, دەرتكە شالدىققانداردىڭ ءوسۋ قارقىنى تاۋلىگىنە 0,36%-دى قۇراپ وتىر. جۇقتىرعانداردىڭ 111-ىنەن اۋرۋ بەلگىلەرى بايقالسا, 17 ادامنىڭ بويىنان بەلگىلەر بايقالماعان.
«قازىرگى ۋاقىتتا بىزدە 443 بالا كوروناۆيرۋستىق ينفەكتسيا جۇقتىرسا, ونىڭ 8-ءى ستاتسيوناردا, قالعاندارى امبۋلاتوريالاردا ەمدەلۋدە. سونداي-اق كۆي-مەن 53 جۇكتى ايەل تىركەلگەن, ولاردىڭ ۇشەۋى قازىر رەانيماتسيادا», دەيدى قوستاناي وبلىسى اكىمدىگىنىڭ دەنساۋلىق ساقتاۋ باسقارماسى باسشىسىنىڭ ورىنباسارى انجەلا بەكسۇلتانوۆا.