قازاقستاندا «ازاماتتىق باقىلاۋ - تۇبىرتەكتى تالاپ ەت» اكتسياسى ءوتىپ جاتىر. كاسسا تۇبىرتەك بەرمەگەنى نەمەسە تولەم كارتا بويىنشا تولەم قابىلداۋدان باس تارتقانى تۋرالى حابارلاعاندارعا سىياقى تولەنەدى, دەپ حابارلايدى Egemen.kz.
بۇل تۋرالى قارجى مينيسترلىگى مەملەكەتتىك كىرىستەر كوميتەتى ءمالىم ەتتى.
اكتسيا 20 قازاندا باستالعان. وعان كەز كەلگەن ادام قاتىسا الادى. بارلىق ءوتىنىشتى مەملەكەتتىك كىرىستەر ورگانى قارايدى.
AppStore جانە PlayMarket-تە اقىسىز WIPON CASHBACK ءموبيلدى قوسىمشاسىن جۇكتەپ الۋ ارقىلى تۇبىرتەك بەرمەۋ نەمەسە تولەم كارتاسى بويىنشا تولەم قابىلداۋدان باس تارتۋ دەرەكتەرى تۋرالى حابارلاۋعا بولادى. دەرەك راستالعان جاعدايدا تەلەفون بالانسىنا سىياقى جىبەرىلەدى (جەكە تابىس سالىعىنسىز 1000 تەڭگە).مەملەكەتتىك كىرىستەر كوميتەتى قازاقستاننىڭ بارلىق ازاماتىن «ازاماتتىق باقىلاۋ - تۇبىرتەكتى تالاپ ەت» اكتسياسىنا بەلسەندى قاتىسۋعا شاقىرادى.