تەمىرتاۋداعى 5516 اسكەري ءبولىمىنىڭ اسكەري قىزمەتشىسى ءوزىنىڭ باسىنا وق اتىپ قازا تاپتى, دەپ حابارلايدى Egemen.kz.
«وقيعا 21 قازان تۇنگى ساعات 01.30 شاماسىندا مەرزىمدى قىزمەتتەگى اسكەري قىزمەتشى بەكەتتە قارۋمەن ءوز باسىنا وق اتقان. ول شۇعىل تۇردە قالالىق اۋرۋحاناعا جەتكىزىلدى. وكىنىشكە وراي, قابىلدانعان شارالارعا قاراماستان, ول ساعات 2.20-دا كوز جۇمدى. اتالعان فاكت بويىنشا ورتالىق ءوڭىردىڭ اسكەري-تەرگەۋ باسقارماسى سوتقا دەيىنگى تەرگەۋ جۇرگىزۋدە. وقيعانىڭ سەبەبى مەن ءمان-جايى انىقتالۋدا», دەدى قر ۇلتتىق گۆاردياسىنىڭ «ورتالىق» وڭىرلىك قولباسشىلىعىنىڭ ءباسپاسوز قىزمەتى.
مارقۇم بولعان قاتارداعى جاۋىنگەر 20 جاستا جانە تۇركىستان وبلىسىندا تۋعان.