اقتوبەدە 13 جاستاعى ءجاسوسپىرىم ءوز-وزىنە قول جۇمسادى. ول 25 قاباتتى ءۇيدىڭ 20-قاباتىنان سەكىرىپ كەتتى, دەپ حابارلايدى Egemen.kz.
قايعىلى وقيعا كەشە ساعات 18.45-تە اقتوبە قالاسىندا تىركەلدى. قالا تۇرعىنى پوليتسيا بولىمىنە حابارلاسىپ, 11-شاعىن اۋدانىنداعى № 112 «ۆ» ءۇيىنىڭ كىرەبەرىسىندە كامەلەت جاسىنا تولماعان قىزدىڭ جاتقانىن ايتقان.
پوليتسيا جاساعى اتالعان ءۇيدىڭ كىرەبەرىسىنەن 2008 جىلى تۋعان جەتكىنشەكتىڭ دەنەسىن تاپتى. ول 25 قاباتتى ءۇيدىڭ 20-قاباتىنداعى كىرەبەرىستىڭ بالكونىنان سەكىرىپ كەتكەن.
«كامەلەتكە تولماعان بالا العان جاراقاتىنان جەدەل جاردەم كەلگەنگە دەيىن قازا بولدى. وقيعانىڭ سەبەپتەرى انىقتالىپ جاتىر. قازىر قىلمىستىق كودەكستىڭ ء«وز-وزىنە قول جۇمساۋعا جەتكىزۋ» بابى بويىنشا سوتقا دەيىنگى تەرگەۋ جۇرگىزىلىپ جاتىر», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.