فۋتزالدان ەۋروپا چەمپيوناتىنىڭ جەرەبەسى تارتىلادى

فۋتزالدان ەۋرو-2022 چەمپيوناتى ەڭ ۇلكەن جارىس بولماق. ەۋروپا فينالىندا العاش رەت ون التى قۇراما (بۇعان دەيىن 12) سىنعا تۇسەدى. 19 قاڭتار مەن 6 اقپان ارالىعىندا امستەردام جانە گرونينگەن قالالارىندا 32 ماتچ وينالادى. ءار توپ ءتورت كوماندادان تۇرادى. 

جارىس يەسى نيدەرلاند قۇراماسى ەۋرو-2022 فينالدىق كەزەڭىنە تىكەلەي جولداما الدى. قالعان ەلدەردىڭ ىشىندە پورتۋگاليا (ەۋرو-2018 جەڭىمپازى), ءازىربايدجان, بوسنيا مەن گەرتسەگوۆينا, حورۆاتيا, فينليانديا, گرۋزيا, يتاليا, قازاقستان, پولشا, رەسەي, سلوۆاكيا, سلوۆەنيا, يسپانيا جانە ۋكراينا. سەربيا مەن بەلارۋس قۇرامالارى قۇرلىق دوداسىنا سوڭعى جولداماسىن 14 جانە 17 قاراشا ارالىعىندا ساراپقا سالادى.

ۋەفا ەۋرو-2022 فينالدىق كەزەڭىنىڭ جەرەبەسىنىڭ سەبەتتەرىن بەكىتتى. جەرەبە 4 قازاندا جاريالانعان رەيتينگ بويىنشا تارتىلادى. قازاقستان قۇراماسى يسپانيا, رەسەي جانە پورتۋگاليا قۇرامالارىمەن بىرگە ءبىرىنشى سەبەتكە ءتۇستى. 

1-سەبەتيسپانيارەسەيپورتۋگالياقازاقستان

2-سەبەتحورۆاتياازىربايدجانسەربيا/بەلارۋسيتاليا

3-سەبەتۋكرايناسلوۆەنيابوسنيا جانە گەرتسەگوۆيناپولشا

4-سەبەتفينلياندياسلوۆاكياگرۋزيانيدەرلاند

ايتا كەتەرلىگى, فۋتزالدان ەۋروپانىڭ ەڭ ۇلكەن چەمپيوناتى 2022 جىلدىڭ 19 قاڭتارىندا باستالادى. فينال 6 اقپان كۇنى امستەردامدا وتەدى.