ەلوردا اكىمى التاي كولگىنوۆ 2022 جىلى قالادا جاڭا ينفەكتسيالىق اۋرۋحانا سالىناتىنىن ايتتى, دەپ حابارلايدى Egemen.kz.
«كوۆيدپەن كۇرەس اياسىندا 16 ستاتسيونار جۇمىلدىرىلعان ەدى. ءبىرىنشى قالالىق اۋرۋحانانى كوروناۆيرۋسپەن كۇرەسكە تارتتىق, سونداي-اق ءۇشىنشى قالالىق اۋرۋحانانى, تەمىرجول اۋرۋحاناسى, بارلىق گوسپيتالدەر قامتىلدى. قازىرگى كەزدە ىندەتتىڭ تارالۋ دەڭگەيى تومەندەدى, الايدا كەلەسى تولقىن قاشان بولاتىنىن كىم بىلەدى؟!» دەپ توقتالدى ا. كولگىنوۆ ەلوردا ءماسليحاتىنىڭ كەزەكتەن تىس سەسسياسىندا.
وسى ورايدا ول قالاعا تاعى ءبىر ينفەكتسيالىق ستاتسيونار كەرەك ەكەنىن ايتتى.
«كۆي-مەن جانە باسقا دا ينفەكتسيالارمەن كۇرەس بويىنشا بىزگە جاڭا ستاتسيونار كەرەك بولىپ تۇر. بىزدە ءتيىستى تاپسىرما بار, قازىر وسى ماسەلە تۇرعىسىندا جۇمىس ىستەلۋدە, جوبالاۋ-سمەتالىق قۇجاتناما ازىرلەنىپ جاتىر. دارىگەرلەر مەن ناۋقاستارعا قولايلى جاعداي جاساۋ ءۇشىن وندا ءتيىستى نىساندار ەسكەرىلەدى», دەدى قالا اكىمى.