2022 جىلى قازاقستاندىقتاردا 245 جۇمىس كۇنى مەن 120 دەمالىس كۇنى بولادى. كوپتەگەن مەرەكەلىك دەمالىس 3-4 كۇنگە سوزىلادى, دەپ حابارلايدى Egemen.kz.
ايتا كەتەيىك, كۇنتىزبە بەس كۇندىك جۇمىس نەمەسە وقۋ اپتاسى بويىنشا جاسالدى.
2022 جىلى بولاتىن ەڭ ۇزاق دەمالىستار:قاڭتاردا - جاڭا جىلدا 4 كۇن;
ناۋرىزدا - حالىقارالىق ايەلدەر كۇنىندە 3 كۇن جانە ناۋرىز مەيرامىندا 5 كۇن;
مامىردا - وتان قورعاۋشىلار كۇنى مەن جەڭىس كۇنىنە وراي 4 كۇن;
جەلتوقساندا - تاۋەلسىزدىك كۇنىنە وراي قازاقستاندىقتار 4 كۇن قاتارىنان دەمالادى.
7 قاڭتارداعى روجدەستۆو مەيرامى جۇماعا ءتۇسىپ تۇرعاندىقتان قازاقستاندىقتار ءۇش كۇن قاتارىنان دەمالادى. ال قۇربان ايت سەنبى, 9 شىلدەگە ءتۇسىپ تۇر. زاڭ بويىنشا, ءدىني مەيرامدار دەمالىس كۇنگە تۇسكەن جاعدايدا دەمالىس كۇنى اۋىستىرىلمايدى.