شىمكەنت قالاسى اكىمىنىڭ ورىنباسارى ايبەك ساتتىباەۆ تاتارستاننىڭ ساۋدا-ونەركاسىپتىك پالاتاسى دەلەگاتسياسىمەن بيزنەس كەزدەسۋ وتكىزدى, دەپ جازادى Egemen.kz.
اتالعان جيىن قازاقستان مەن تاتارستان اراسىنداعى ساۋدا-ەكونوميكالىق, ينۆەستيتسيالىق ىنتىماقتاستىقتى كۇشەيتۋ, ەكى ەلدىڭ ىسكەرلىك سەرىكتەستەرى اراسىنداعى بايلانىستاردى نىعايتۋ جانە ينۆەستيتسيالىق جوبالاردى تانىستىرۋدى ماقسات ەتكەن. تاتارستاندىق دەلەگاتتارعا قالامىزداعى يندۋستريالدى ايماقتار جانە «وڭتۇستىك» اەا, «Shymkent invest» ورتالىعىنداعى مۇمكىندىكتەر تانىستىرىلدى.
ايبەك ساتتىباەۆ كەزدەسۋ بارىسىندا تاتارستاندىق دەلەگاتتارعا شىمكەنتتىڭ جوعارى الەۋەتىن تانىستىرا كەلە تاتارستاندىق كاسىپكەرلەردى قالاعا ينۆەستيتسيالىق جوبالاردى جۇزەگە اسىرۋعا شاقىردى.