فۋتزالدان قازاقستان كۋبوگىنا تالاس قىزۋ ءجۇرىپ جاتىر

كەزەكتى ويىن كۇنىنەن كەيىن كوكشەتاۋلىق «وقجەتپەس» قانا پلەي-وفف كەزەڭىنە شىعۋ مۇمكىندىگىنەن ايىرىلدى. قالعان 8 ۇجىم جارتىلاي فينالعا جولداما الا الادى.

قازىرگى ۋاقىتتا ەكى توپتا دا جاعداي شيەلەنىسكەن.

«قايرات» «اياتپەن» تەڭ تۇسكەننەن كەيىن, 13 قازاندا ءتۋرنيردىڭ اۋتسايدەرى «وقجەتپەستى» 4:1 ەسەبىمەن جەڭدى. ول «راحمەت» كومانداسىمەن بىرگە 7 ۇپايمەن «ا» توبىندا وزىپ تۇر. ولاردان كەيىن «اتىراۋ» مەن «ايات» كوماندالارى, ەكەۋىنىڭ قانجىعاسىندا دا 4 ۇپايدان بار.

قىزىقتىڭ كوكەسى «ۆ» توبىندا, وندا بارلىق 4 كوماندانىڭ قانجىعاسىندا ءۇش ۇپاي بار. جارتىلاي فينالدىڭ ەكى جولداماسى ءۇشىن «بايتەرەك», «كاسپي», «نۇر-سۇلتان» جانە «اقتوبە» كوماندالارى تالاسادى.