باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ بازاسىندا اقاۋ ورىن الدى, دەپ حابارلايدى Egemen.kz.
سوعان بايلانىستى قازىر ايىپپۇلدار مەن كولىك جۇرگىزۋ قۇقىعىنان ايىرۋ تۋرالى مالىمەتتەردى الۋ مۇمكىن ەمەس.
سوندىقتان ەل اۋماعىنداعى مامانداندىرىلعان حقكو-لاردا جۇرگىزۋشى كۋالىگىن بەرۋ مەملەكەتتىك قىزمەتى بويىنشا كليەنتتەردى قابىلداۋ ۋاقىتشا توقتاتىلدى.
«جاۋاپتى ورگان بازا جۇمىسىن قالپىنا كەلتىرىپ جاتىر. مامانداندىرىلعان حقو-لاردا قابىلداۋدىڭ قايتا جۇرگىزىلە باستاعانى تۋرالى اقپارات قوسىمشا حابارلاناتىن بولادى. كەلتىرىلگەن قولايسىزدىقتار ءۇشىن كەشىرىم سۇرايمىز», دەلىنگەن حابارلامادا.