نۇرسۇلتان نازارباەۆ ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ عۇلامالار كەڭەسىنىڭ باسشىسى قىزمەتىنە ۇسىنىلدى, دەپ حابارلايدى Egemen.kz.
بۇل باستامانى قر سىرتقى ىستەر ءمينيسترىنىڭ ورىنباسارى اقان راحمەتۋللين نۇر-سۇلتاندا وتكەن سىرتقى ىستەر مينيسترلەرىنىڭ كەزدەسۋىندە ايتتى.
«بۇگىن عۇلامالار كەڭەسى تۋرالى ەرەجەنى قابىلداۋىمىز كەرەك. مۇشە مەملەكەتتەر كونسۋلتاتيۆتى-كەڭەسشى ورگان قۇرۋدى قولدادى جانە مۇشەلىككە كانديداتتاردى ۇسىنا باستادى. بۇگىن عۇلامالار كەڭەسى تۋرالى ەرەجەنى بەكىتەمىز. تاڭەرتەڭ كەزدەسۋدە پرەزيدەنت قاسىم-جومارت توقاەۆ نۇرسۇلتان نازارباەۆتى اوسشك جەتەكشىلىگىنە كانديدات رەتىندە ۇسىندى. ءبارىڭىز بۇل كانديداتۋرانى قولدايسىزدار دەپ ۇمىتتەنەمىن», دەدى راحمەتۋللين.
ازياداعى ءوزارا ىقپالداستىق جانە سەنىم شارالارى جونىندەگى كەڭەس – ازيا قۇرلىعى مەملەكەتتەرىن بىرىكتىرەتىن حالىقارالىق فورۋم. نەگىزگى مىندەتى – تۇراقتىلىق پەن قاۋىپسىزدىكتى قامتاماسىز ەتۋ ماقساتىندا ازيا مەملەكەتتەرى اراسىنداعى قارىم-قاتىناس پەن ىنتىماقتاستىقتى نىعايتۋ.
كەزدەسۋدى شاقىرۋ يدەياسىن العاش رەت نۇرسۇلتان نازارباەۆ 1992 جىلى قازاندا بۇۇ باس اسسامبلەياسىنىڭ 47-سەسسياسىندا ۇسىنعان بولاتىن.