قر ۇلتتىق ەكونوميكا ءمينيسترى اسەت ەرعاليەۆ ۇكىمەت وتىرىسىندا تۇرعىن ءۇيدى پايدالانۋعا بەرۋ بويىنشا جوعارى كورسەتكىشكە جەتكەن وڭىرلەردى اتادى, دەپ حابارلايدى Egemen.kz.
«تۇرعىن ءۇيدى پايدالانۋعا بەرۋ بويىنشا جالپى العاندا وڭ ديناميكا ساقتالۋدا. ەسەپتى كەزەڭدە 10,4 ملن شارشى مەتر تۇرعىن ءۇي پايدالانۋعا بەرىلدى. كورسەتكىشتىڭ ءوسۋى 8%-دى قۇرادى. وڭ ديناميكا 14 ءوڭىر بويىنشا تىركەلدى, ولاردىڭ اراسىندا ەڭ جوعارعى كورسەتكىش اتىراۋ جانە شىعىس قازاقستان وبلىستارىندا بايقالۋدا», دەگەن اسەت ەرعاليەۆ اۋىل شارۋاشىلىعىندا جاقسى ناتيجە كورسەتكەن وڭىرلەرگە توقتالدى.
«اۋىل شارۋاشىلىعىندا ءوسىم 1,4%-دى قۇرادى. سالاداعى ءوندىرىستىڭ وڭ ءوسۋى 14 وڭىردە تىركەلدى. ەڭ جوعارعى ءوسۋدى پاۆلودار, شىعىس قازاقستان جانە قاراعاندى وبلىستارى كورسەتتى», دەدى مينيستر.