قازاقستاننىڭ التى ازاماتى اڭىزعا اينالعان, الەمدەگى ەڭ كونە, ەڭ بەدەلدى مارافونداردىڭ ءبىرى سانالاتىن بوستون مارافونىندا جۇگىردى, دەپ حابارلايدى Egemen.kz.
125-ءشى بوستون مارافونى 11 قازاندا ءوتتى. وعان 20 مىڭعا جۋىق ادام قاتىستى.
42 شاقىرىم 195 مەتر قاشىقتىقتى باعىندىرعان قازاقستاندىقتار اراسىندا «الماتى مارافونىنىڭ» ديرەكتورى سالتانات قازىباەۆا, قازاقستاننىڭ اقش-تاعى ۆيتسە-كونسۋلى ەرلان وتەگەنوۆ, اسقار ەسەركەنوۆ, ءاليا ايتقازينا, دانيار وتەۋلين مەن باعدات احمەتوۆ بار.
بوستون مارافونىنا سەرتيفيكاتتالعان مارافونداردان ىرىكتەۋدەن ءوتۋ ارقىلى ء(ار جاس ساناتى بويىنشا ىرىكتەۋ ۋاقىتى بار) نەمەسە قايىرىمدىلىق ارقىلى (قايىرىمدىلىق 7-9 مىڭ دوللاردان باستالادى) قاتىسۋعا بولادى.
بوستون مارافونى ءداستۇرلى تۇردە ءساۋىر ايىنىڭ ءۇشىنشى دۇيسەنبىسىندە مەملەكەتتىك مەرەكە - پاتريوتتار كۇنىندە وتەدى. 2020 جىلى پاندەمياعا بايلانىستى توقتاتىلىپ, بيىل قازان ايىنا اۋىستىرىلدى.