استانادا «قازاقستاننىڭ مادەني مۇراسى» مەن «استانا قالاسىنىڭ مادەني مۇراسى» اتتى جۋرنالداردىڭ تۇساۋكەسەر ءراسىمى بولىپ ءوتتى. بۇل ەكى جۋرنال رۋحاني قۇندىلىقتارىمىزدى ناسيحاتتايدى.
الماتى قالاسىندا سوڭعى جىلدارى 545 شاقىرىم جەرگە گاز قۇبىرى تارتىلدى. قالانىڭ ءوسۋ ديناميكاسىنا بايلانىستى الداعى مەرزىمدە 97 نىسانعا گاز قۇبىرىن تارتۋ كوزدەلگەن.
شىعىس قازاقستان وبلىسىندا ىشكى جالپى ءونىم 2 ترلن.تەڭگەگە جەتتى. سونداي-اق, مەملەكەتتىك بيۋدجەتكە 183,6 ملرد.تەڭگە جانە جەرگىلىكتى بيۋدجەتكە 70,2 ملرد.تەڭگە كىرىس كەلگەن.
بىلتىر وڭتۇستىك قازاقستان وبلىسىندا 657 شاقىرىم جول جوندەلىپ, اپاتتى جاعدايداعى 27 كوپىر قالپىنا كەلتىرىلگەن. بيىل دا ماڭىزى بار جولداردى جوندەۋ ماسەلەسى جوسپارعا سايكەس جۇرگىزىلەتىن بولادى.
اقتاۋ تەڭىز پورتى ارقىلى وتكەن جىلى 10 ملن. توننا جۇك تاسىمالداندى. كەلەشەكتە ونىڭ سولتۇستىك بولىگىن 40 گەكتارعا دەيىن كەڭەيتۋ جوسپارلانىپ وتىر.
اقتوبە وبلىسىندا سوڭعى 3 جىل ىشىندە يندۋستريالاندىرۋ كارتاسىنا 76 جوبا ەنگىزىلدى. سونىڭ نەگىزىندە 7 مىڭ ادام جاڭا جۇمىس ورىندارىنا قابىلدانعان.
بيىل قاراعاندى قالاسىنىڭ 80 جىلدىعى اتاپ وتىلەدى. وسىعان وراي, اتقارىلاتىن ءىس-شارالار جوسپارى بەكىتىلدى.
سولتۇستىك قازاقستان وبلىستىق اۋرۋحاناسىنا ەندوۆيدەوسكوپيالىق قوندىرعى ورناتىلدى. وسى قۇرىلعى ارقىلى دارىگەرلەر بىرنەشە سىرقات تۇرىنە (اسقازان, بۇيرەك, باۋىر, ءوت جولى) وتا جاساي الادى.
Egemen.kz حابارلارى مەن وبلىستىق اكىمدىكتەر
سايتتارىنىڭ ماتەريالدارى بويىنشا دايىندالدى.