قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ بۇۇ باس حاتشىسىنىڭ ارناۋلى وكىلى, بۇۇ-نىڭ ورتالىق ازياداعى پرەۆەنتيۆتىك ديپلوماتيا جونىندەگى وڭىرلىك ورتالىعىنىڭ باسشىسى ميروسلاۆ ەنچامەن جانە تۇركىتىلدەس مەملەكەتتەردىڭ ىنتىماقتاستىق كەڭەسى باس حاتشىسىنىڭ ورىنباسارى اداحان مادۋماروۆپەن ولاردىڭ وتىنىشتەرى بويىنشا كەزدەستى.
جۇزدەسۋشىلەر ورتالىق ازياداعى جاعداي تۋرالى پىكىر الماستى. ايماقتاعى سۋدى پايدالانۋعا, شەكارالىق ماسەلەلەرگە جانە اۋعانستانداعى جاعدايعا حالىقارالىق ۇيىمداردىڭ باسا نازار اۋدارىپ وتىرعانى اتاپ ءوتىلدى. ق.توقاەۆ قازاقستان حالىقارالىق ىنتاماقتاستىقتاعى پارلامەنتتىك ولشەمگە ەلەۋلى كوڭىل ءبولىپ وتىرعانىن ايتتى. توراعا, سونىمەن قاتار, پرەزيدەنت نۇرسۇلتان نازارباەۆتىڭ باستاماسى بويىنشا قۇرىلعان تۇركىتىلدەس مەملەكەتتەر ىنتىماقتاستىق كەڭەسىنىڭ قىزمەتىن تيەسىلى زاڭنامالىق تۇرعىدا قامتاماسىز ەتۋگە سەناتتىڭ ءازىر ەكەنىن جەتكىزدى, دەپ حابارلادى وسى پالاتانىڭ ءباسپاسوز قىزمەتى.