اتباسار قالاسىندا وسىنداي وقيعا ورىن الدى دەگەندە جاعامىزدى ۇستاعانبىز. بىراق, وعان ەش تاڭعالۋدىڭ قاجەتى جوق ەكەن. جاسى ەڭكەيگەن شالدىڭ ەكى قىزى بۇعان دەيىن ەسىرتكى بيزنەسىمەن اينالىسقانى ءۇشىن سوتتالىپ, تۇرمەدە جازالارىن وتەپ جۇرگەنىن بىلدىك.
وتباسىلىق قىلمىستىق كاسىپتى جالعاستىرعان جازعان شال گەرويندى ساتىپ تۇرعان جەرىندە قۇرىقتالعان. جەرگىلىكتى پوليتسيا قىزمەتكەرلەرى ونىڭ ءۇيىن ءتىنتۋ بارىسىندا, كەرەۋەتتىڭ استىنا جاسىرىلعان گەرويننىڭ قوماقتى بولىگىن تاپتى. تاركىلەنگەن قاتتى اسەردەگى ەسىرتكىنىڭ جالپى سالماعى 145,42 گرامدى تارتادى. بۇل اسا ۇلكەن كولەمدەگى اپيىن سانالادى.
بۇگىنگى كۇنى قر قك 257-بابىنىڭ 3-ءبولىمىمەن (ەسىرتكى زاتتارىن زاڭسىز ساتقانى ءۇشىن) قىلمىستىق ءىس قوزعالدى.
باقبەرگەن امالبەك,
«ەگەمەن قازاقستان».
اقمولا وبلىسى.