تومەندە كورسەتىلگەن كوپپاتەرلى تۇرعىن ءۇي كەشەندەرىندە قولدانىستاعى زاڭنامانى اينالىپ ءوتىپ جاسالعان بارلىق مامىلە – الدىن الا برونداۋ شارتى, رەزەرۆتەۋ شارتى, ينۆەستيتسيالاۋ شارتى, تالاپ ەتۋ قۇقىعىن باسقاعا بەرۋ شارتى جارامسىز بولىپ سانالادى. بۇل تۋرالى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ حابارلايدى.
نۇر-سۇلتان قالاسىنىڭ اكىمدىگى ءوز قاراجاتىڭىزعا ساق بولۋدى سۇرايدى. رۇقسات قۇجاتتارى بولماعان جاعدايدا تۇرعىن ءۇي ساتىپ الۋدى كەڭەس ەتپەيدى.
«تۇرعىن ءۇي قۇرىلىسىنا ۇلەستiك قاتىسۋ تۋرالى» قازاقستان رەسپۋبليكاسىنىڭ زاڭناماسىندا ۇلەسكەرلەردىڭ قاراجاتىن ءتيىستى رۇقساتسىز قابىلداۋعا تىيىم سالىنادى. بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى, سونداي-اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جاۋاپكەرشىلىك كوزدەلگەن.
ايتا كەتەيىك, ۇلەسكەرلەردىڭ اقشاسىن قابىلداۋعا قۇقىعى جوق قۇرىلىس سالۋشىلاردىڭ ءتىزىمى قۇرىلىسى اياقتالۋ ساتىسىنداعى نىساندار تىزىمىنەن شىعارۋ جولىمەن جانە جاڭا نىسانداردى قوسۋ جولىمەن جۇيەلى تۇردە جاڭارتىلادى.
ۇلەسكەرلەردىڭ اقشاسىن قابىلداۋعا بەرىلگەن رۇقساتتار تۋرالى اقپارات «نۇر-سۇلتان قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسى» مم سايتىندا ورنالاسقان.
بارلىق سۇراقتار بويىنشا كەلەسى تەلەفوندارعا حابارلاسۋ قاجەت: 8 (7172) – 55-04-28, 55-04-30, 8 771 605 17 14.
ۇلەسكەرلەردىڭ قاراجاتىن قابىلداۋعا قۇقىعى جوق قۇرىلىس سالۋشىلاردىڭ تىزىمىمەن مىنا جەردە تانىسۋعا بولادى:
ءتىزىم