قازاقستاندىقتارعا تسيفرلىق جەكە كۋالىكتى قاعاز تۇرىندەگى جەكە كۋالىكپەن تەڭ پايدالانۋعا مۇمكىندىك بەرەتىن جولاۋشىلار مەن جۇك اۆتوكولىگىمەن تاسىمالداۋ قاعيدالارىنا وزگەرىستەر ەنگىزىلدى, دەپ حابارلايدى Egemen.kz.
اتاپ ايتقاندا, اۋدانارالىق (قالاارالىق, وبلىسىشىلىك) باعىتتاردا اۆتوبۋستارعا وتىرعىزۋ كەزىندە جولاۋشىلار جەكە كۋالىگىن ءوز قالاۋى بويىنشا - تۇپنۇسقادا نەمەسە ەلەكتروندىق قۇجات تۇرىندە (ۇيالى تەلەفون ارقىلى) ۇسىنا الادى.
سونداي-اق اۆتوۆوكزالداردا, اۆتوستانتسيالاردا, جولاۋشىلارعا قىزمەت كورسەتۋ تىرەكتەرىندە تسيفرلىق جەكە كۋالىكپەن بيلەتتەر ساتىپ الۋ, حالىقارالىق, قالاارالىق, وبلىسارالىق, اۋدانارالىق (وبلىسىشىلىك قالاارالىق) باعىتتاردا جول ءجۇرۋ كەزىندە جۇك الۋ مۇمكىندىگى كوزدەلگەن.
بۇدان باسقا, تاكسي جۇرگىزۋشىلەرى رەيس الدىنداعى جانە رەيستەن كەيىنگى مەديتسينالىق كۋالاندىرۋدان ءوتۋ كەزىندە جەكە كۋالىكتى قاعاز تاسىعىشتا دا, ەلەكتروندىق نىساندا دا پايدالانا الادى.
جوعارىدا اتالعان نورمالار قر يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن (2021 جىلعى 4 قازانداعى№ 524) قر ۇكىمەتىنىڭ تاپسىرماسى بويىنشا تسيفرلىق تەحنولوگيالاردى دامىتۋ جانە ازاماتتاردىڭ جەكە كۋالىكتەرىنىڭ تۇپنۇسقالارىن وزىمەن بىرگە الىپ ءجۇرۋ قاجەتتىلىگىنسىز ءوز قۇقىقتارىن ىسكە اسىرۋ مۇمكىندىگىن كەڭەيتۋ ءۇشىن قابىلداندى.