بۇدان بىلاي قازاقستاندىقتار اۆتوبۋسپەن قاتىناۋ ءۇشىن ەلەكتروندى بيلەت الۋعا ءتيىس. يندۋستريا جانە ينفراقۇرىلىمدىق دامۋ مينيسترلىگى جولاۋشىلار مەن جۇكتى تاسىمالداۋ ەرەجەسىنە وسىنداي وزگەرىس ەنگىزدى, دەپ حابارلايدى Egemen.kz.
4 قازانداعى بۇيرىقتا كورسەتىلگەندەي, بۇداي بىلاي جولاۋشى اۆتوبۋسقا مىنەردە ساتىپ العان ەلەكتروندى بيلەتىن نەمەسە جەكە كۋالىگىن كورسەتە الادى. ايتا كەتەرلىگى, كۋالىكتىڭ ءتۇپ-نۇسقاسىنان بولەك, تسيفرلىق قۇجاتتار سەرۆيسىندەگى ەلەكتروندى نۇسقاسى جارامدى سانالادى. اۆتوبۋسقا مىنگىزەردە جولاۋشىنىڭ بيلەتتە كورسەتىلگەن اتى-ءجونى مەن كۋالىگىندەگى جازباسى تەكسەرىلەدى.
حالىقارالىق جانە قالاارالىق باعىتتارداعى اۆتوبۋستىڭ جولاقىسى مەن جۇك اقىسىن بۇرىنعىداي اۆتوبەكەتتەر مەن جولاۋشىعا قىزمەت كورسەتەتىن ورىندار مەن اقپاراتتىق جۇيە ارقىلى قابىلدانادى.