شىمكەنت قالاسىندا كوركەم گيمناستيكادان ايەلدەر مەن جاستار اراسىندا قر چەمپيوناتى مەن كۋبوگى ءوتىپ جاتىر, دەپ جازادى Egemen.kz.
بۇگىن «كوركەم گيمناستيكا سپورت كەشەنىندە» جارىستىڭ سالتاناتتى اشىلۋ ءراسىمى ۇيىمداستىرىلىپ, كوماندالار ساپ تۇزەدى.
جيىنعا شىمكەنت قالاسى اكىمىنىڭ ورىنباسارى ماقسۇت يساحوۆ, شىمكەنت قالاسى ءماسليحاتىنىڭ حاتشىسى باحادىر نارىمبەتوۆ, قر ەڭبەك سىڭىرگەن سپورت شەبەرى ءاليا يۋسۋپوۆا قاتىسىپ, سپورتشىلارعا ساتتىلىك تىلەدى.
جارىستا ەلىمىزدىڭ بارلىق وڭىرىنەن 330-دان اسا سپورتشى جەكەلەي جانە توپتىق سايىس بويىنشا باق سىنايدى.
سايىستىڭ باس تورەشىسى – حالىقارالىق دارەجەدەگى تورەشى ناتاليا ماماشەۆا.
«ايتا كەتسەك, بۇگىنگى تاڭدا قالالىق كوركەم گيمناستيكا سپورت مەكتەبىندە جاتتىقتىرۋشى-حورەوگرافتار قۇرامى 400-دەن اسا بالاعا وقۋ-جاتتىعۋ جۇمىستارىن جۇرگىزەدى», دەپ حابارلايدى شىمكەنت قالاسى اكىمدىگىنىڭ ءباسپاسوز قىزمەتى.