مەملەكەت باسشىسى دۇنيەجۇزىلىك كەدەن ۇيىمىنىڭ باس حاتشىسى كۋنيو ميكۋريانى قابىلدادى, دەپ جازادى Egemen.kz اقورداعا سىلتەمە جاساپ.
قاسىم-جومارت توقاەۆ قازاقستان دۇنيەجۇزىلىك كەدەن ۇيىمىنىڭ بەلسەندى مۇشەسى رەتىندە ىنتىماقتاستىققا ەرەكشە كوڭىل بولەتىنىن ايتىپ, ۇيىم باسشىسىنىڭ ەلىمىزگە كورسەتكەن قولداۋى ءۇشىن ريزاشىلىعىن ءبىلدىردى.
پرەزيدەنت پاندەميا كەزىندە ەلىمىزدە ۇلتتىق ەكونوميكا مەن حالىقارالىق ساۋدانى قولداۋ جونىندە كەشەندى جۇمىستار جۇرگىزىلىپ جاتقانىنا توقتالىپ, بۇل جۇمىستار قارقىن الا تۇسەتىنىن جەتكىزدى.
كۋنيو ميكۋريا پرەزيدەنتكە قابىلداعانى ءۇشىن العىس ءبىلدىرىپ, قازاقستاندى ورتالىق ازياداعى كوشباسشى ەل دەپ اتاپ ءوتتى.
دكۇ باسشىسى تۇركىستان قالاسىنداعى كەدەندىك ينفراقۇرىلىم نىساندارىن ارالاعانىن ايتىپ, جاڭا اۋەجايدىڭ كەدەندىك رەسىمدەۋ پروتسەسىن جوعارى باعالادى. كۋنيو ميكۋريا وبلىس ورتالىعىنىڭ «شىعىس-باتىس» باعىتىنداعى ترانزيتتىك الەۋەتىنىڭ ماڭىزدى ەكەنىنە توقتالدى. باس حاتشى قازاقستانداعى كەدەن سالاسىنىڭ ايتارلىقتاي جەتىستىككە جەتكەنىن اتاپ ءوتتى. سونىمەن قاتار باس حاتشى قازاقستاننىڭ ەلەكتروندى كەدەندىك دەكلاراتسيالاۋ ءراسىمى مەن ء«بىر تەرەزە» قاعيداتىن ەنگىزۋ تاجىريبەسى ۇيىمعا مۇشە كوپتەگەن ەلدەر ءۇشىن وزىق ۇلگى بولا الاتىنىن ايتتى.
كەزدەسۋ سوڭىندا كەدەن سالاسىنداعى ىنتىماقتاستىقتى جان-جاقتى دامىتۋعا كەلىستى.