«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ باسقارما توراعاسى الماسادام ساتقاليەۆ ۇكىمەت وتىرىسىندا سارشا ەلدى مەكەنى جىلى جاعاجاي ايماعىندا گاز ءتاريفىن ءوسىرۋ ماسەلەسىن كوتەردى, دەپ حابارلايدى Egemen.kz.
«ماڭعىستاۋ وبلىسىن دامىتۋدىڭ كەشەندى جوسپارىندا ءبىزدىڭ قور جاۋاپتى 30 ءىس-شارا ەسكەرىلگەن. جالپى كومپانيانىڭ ينۆەستيتسيا كولەمى 692 ملرد تەڭگەدەن اسادى. كەشەندى جوسپاردا ايماقتىڭ ماڭىزدى ينفراقۇرىلىم جوبالارىن جۇزەگە اسىرۋ كوزدەلگەن. اتاپ ايتقاندا, «استراحان-ماڭعىشلاق» ماگيسترالدى سۋ تارتقىشىن قايتا جاڭعىرتۋ, كەندىرلى اۋىلىندا سۋدى تۇزسىزداندىرۋ زاۋىتىن سالۋ, قاراجامباس كەن ورنىندا تۇزسىزداندىرۋ زاۋىتىن سالۋ, جاڭاوزەن قالاسىندا گاز وڭدەۋ زاۋىتىن سالۋ, بەينەۋ-جاڭاوزەن قۇبىرىن قايتا جاڭعىرتۋ جوبالارى كوزدەلگەن», دەگەن اكتسيونەرلىك قوعام باسشىسى كەشەندى جوسپارداعى ءبىر جوبانىڭ قارجىلاندىرۋ كوزى ءالى ناقتىلانباعانىن ەسكەرتتى.
«سارشا ەلدى مەكەنى مەن جىلى جاعاجاي ايماعىن گازداندىرۋ جوبالارىنا جالپى قۇنى 34 ملرد تەڭگە قارجى ءبولۋ ماسەلەسىنىڭ باسى اشىق قالىپ وتىر. بۇعان دەيىن ول بويىنشا بيۋدجەت قاراجاتىن تارتۋ كوزدەلگەن بولاتىن. جوسپار جوباسىندا بيۋدجەت قاراجاتى قاراستىرىلماعان. رەسپۋبليكالىق بيۋدجەتتەن قاراجات الماي جوبالاردى ورىنداۋ ءۇشىن گاز باعاسىن ءوسىرۋ قاجەت بولادى. قر ۇلتتىق ەكونوميكا مينيسترلىگىنە تاريفتەردىڭ قاجەتتى ءوسىمى بويىنشا ءبىزدىڭ ەسەبىمىزدى قاراۋدى تاپسىرۋىڭىزدى سۇرايمىز», دەدى الماسادام ساتقاليەۆ.