بۇگىن فۋتزالدان قازاقستان قۇراماسى ەلگە ورالدى. وسىعان وراي قازاقستان فۋتبول فەدەراتسياسىندا سالتاناتتى ءىس-شارا ءوتتى, دەپ جازادى Egemen.kz.
ءىس-شارادا كوماندا جانە باپكەرلەرمەن كەزدەسۋدە مادەنيەت جانە سپورت ءمينيسترى اقتوتى رايىمقۇلوۆا قۇرامامىز جانكۇيەرلەر ءۇمىتىن اقتاپ, فۋتزال الەمىندە سەنساتسيا جاساعانىن جەتكىزدى.
بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلايدى.
«تاباندى ويىن مəنەرىن كورسەتىپ, əلەمنىڭ الپاۋىت قۇرامالارىنا لايىقتى قارسىلىق كورسەتتىڭىزدەر. تەرەزەسى تەڭ ويىندا ءبىزدىڭ قۇراما ساناسۋعا ءتيىس قارسىلاس ەكەنىن پاش ەتتىڭىزدەر. سىزدەردىڭ جەڭىسكە دەگەن زور ەرىك-جىگەرلەرىڭىز, كوماندانىڭ ۇيىمشىلدىعى, جانقيارلىعى, ءپاتريوتيزمنىڭ جارقىن كورىنىسى كوپكە ۇلگى. سىزدەر ءۇشىن əر ماتچ وڭايعا تۇسكەن جوق. الايدا سىزدەر سىن ساعاتتا شىن شەبەر ەكەندىكتەرىڭىزدى كورسەتۋمەن بولدىڭىزدار. حالىقارالىق فۋتبول فەدەراتسياسىنىڭ ءبىزدىڭ قۇرامانى ادال ويىن كورسەتكەنى ءۇشىن ارنايى جۇلدەمەن ماراپاتتاۋى وسىنىڭ ايقىن دالەلى. قۇرمەتتى فۋتبولشىلار, باپكەرلەر ءبىز سىزدەردى ماقتان تۇتامىز», دەدى مينيستر.