12 ادام اۋعانستان استاناسىندا بولعان جارىلىستىڭ قۇربانى بولدى. جاراقات العاندار بار, دەپ حابارلايدى Egemen.kz.
Euronews باسىلىمىنىڭ حابارلاۋىنشا, وقيعا جەكسەنبى كۇنى كابۋل مەشىتىنىڭ ءبىرىنىڭ جانىندا بولدى. وندا «تاليبان» كوشباسشىلارىنىڭ ءبىرى اناسىنىڭ ولىمىنە بايلانىستى ازا تۇتۋ ءراسىمىن وتكىزىپ جاتقان.
ازىرگە شابۋىل ءۇشىن جاۋاپكەرشىلىكتى ەشكىم موينىنا العان جوق. «تاليبان» وكىلدەرى ءۇش كۇدىكتىنى ۇستادى.
بۇل تامىز ايىنىڭ سوڭىنان بەرى كابۋلدا بولعان اۋقىمدى جارىلىستان كەيىنگى ءىرى تەراكت بولىپ وتىر.
«تاليبان» قوزعالىسى بىرنەشە اپتا بۇرىن اۋعانستاندا بيلىكتى باسىپ الدى, ەندى ولار ەلدەگى قاۋىپسىزدىكتى قامتاماسىز ەتۋگە قابىلەتتىلىگىن كورسەتۋى كەرەك.