بەلارۋس رەسپۋبليكاسىنىڭ مادەنيەت ءمينيسترى قازاقستانداعى بەلارۋس ەتنوسىنا جاسالىپ وتىرعان قولداۋ ءۇشىن العىس ءبىلدىردى, دەپ جازادى Egemen.kz.
نۇر-سۇلتاندا قازاقستاننىڭ بەلارۋس ەتنوسىنىڭ وكىلدەرى بەلارۋس رەسپۋبليكاسىنىڭ مادەنيەت ءمينيسترى اناتولي ماركەۆيچپەن كەزدەستى.
ەستەرىڭىزگە سالا كەتەيىك, 2021 جىلدىڭ 1-3 قازانىندا استانادا بەلارۋس رەسپۋبليكاسىنىڭ قازاقستانداعى مادەنيەت كۇندەرى ءوتتى.
بەلارۋستىڭ مادەنيەت ءمينيسترى ەلىمىزدەگى بەلارۋس ەتنومادەني بىرلەستىكتەرىنىڭ دامۋىن جوعارى باعالاپ, قازاقستان ۇكىمەتى مەن قازاقستان حالقى اسسامبلەياسىنا جاساپ وتىرعان قولداۋى ءۇشىن العىس ءبىلدىردى.
سونىمەن قاتار, ول ءوڭىر اكىمدىكتەرى ەتنيكالىق بىرلەستىكتەرمەن ۇلكەن جۇمىس جۇرگىزىپ جاتقانىن ايتىپ, ەكى ەلدە دە ودان ءارى جەمىستى ىنتىماقتاستىق پەن مادەنيەتارالىق كوممۋنيكاتسيالاردىڭ نىعايا بەرەتىنىنە سەنىم ءبىلدىردى.
«اناتولي ماركەۆيچتىڭ پىكىرىنشە, قازاقستان حالقى اسسامبلەياسى - قازاقستاندىقتاردىڭ بىرلىگىن ساقتاۋ مەن دامىتۋداعى بىرەگەي ينستيتۋت», دەپ جازادى قر اقپارات جانە قوعامدىق دامۋ مينيسترلىگىنىڭ ءباسپاسوز قىزمەتى.