ەكولوگيا, گەولوگيا جانە تابيعي رەسۋرستار مينيسترلىگىنىڭ ۆيتسە-ءمينيسترى احمەتجان پىرىمقۇلوۆ رف ومبى وبلىسىنىڭ گۋبەرناتورى ا.بۋركوۆپەن كەزدەستى, دەپ جازادى Egemen.kz.
ولار ەرتىس وزەنىنىڭ سۋلىلىعىن ۇلعايتۋ مەن سۋ رەسۋرسىنىڭ ساپاسىن مونيتورينگىلەۋ بويىنشا پىكىر الماستى. بۇل تۋرالى مينيسترلىكتىڭ ءباسپاسوز قىزمەتى حابارلادى.
ا.پىرىمقۇلوۆ رەسەي تاراپىنا قازاقستان تاراپىنىڭ جوعارعى ەرتىس كاسكادىنىڭ سۋ قويمالارىنان سۋ جىبەرۋ قر مەن رف ەكونوميكا سالالارىنىڭ قاجەتتىلىكتەرىن, سونداي-اق ەرتىس وزەنىنىڭ ەكوجۇيەسىن ەسكەرەتىن وداق كەزىندە قابىلدانعان نورماتيۆتىك قۇجاتتارعا سايكەس جۇزەگە اسىرىلاتىنىن حابارلادى.
«تاراپتار ءىرى وزەندەردىڭ باسسەيندەرىندە, ونىڭ ىشىندە ەرتىس وزەنىنىڭ باسسەينىندە زەرتتەۋلەر جۇرگىزۋ بويىنشا ىنتىماقتاستىقتى جانداندىرۋ بويىنشا بىرىڭعاي جول كارتاسى شەڭبەرىندە وڭ جۇمىستاردىڭ باستالعانى تۋرالى اتاپ ءوتتى جانە بىرلەسكەن زەرتتەۋلەر ناتيجەلەرى بويىنشا ەكولوگيالىق جاعدايدى, ونىڭ ىشىندە سۋ قويمالارىنىڭ رەجيمىن جاقسارتۋ بويىنشا ۇسىنىمدار ازىرلەنەتىنىنە سەنىم ءبىلدىردى», دەلىنگەن حابارلامادا.
سونداي-اق تاراپتار ترانسشەكارالىق سۋ وبەكتىلەرىنىڭ سۋ رەسۋرستارى جاي-كۇيىنىڭ ساپالى كورسەتكىشتەرىن مونيتورينگتەۋ ادىستەمەلەرىن بىرىزدىلەندىرۋگە قاتىستى پىكىر الماستى. قازاقستان تاراپى بۇل ماسەلەنى ترانسشەكارالىق سۋ وبەكتىلەرىن بىرلەسىپ پايدالانۋ جانە قورعاۋ جونىندەگى قازاقستان-رەسەي كوميسسياسىنىڭ كەزەكتى وتىرىسىندا قاراۋدى ۇسىندى.