ورالدا ەكى كوپقاباتتى ۇيدە ءورت بولىپ, 17 ادام ەۆاكۋاتسيالاندى, دەپ حابارلايدى Egemen.kz.
بقو تج دەپارتامەنتىنىڭ ءباسپاسوز قىزمەتىنەن تۇسكەن مالىمەتكە قاراعاندا, وقيعا 2 قازان كۇنى بولدى. ساعات 16.02-دە گاگارين كوشەسى 105/2-مەكەنجايىندا ورنالاسقان ءتورت قاباتتى ۇيدەن ءورت شىققانى جونىندە حابار تۇسكەن.
تۇرعىن ءۇيدىڭ 26-پاتەرىندە اسۇيدە جيھاز بەن جەكە زاتتار وتقا وراندى. وقيعا ورنىنان 9 ادام شىعارىلدى, ونىڭ تورتەۋى - بالالار. اتالعان پاتەر يەسى - ايەل ادام قۇتقارىلدى. ءورت دەپارتامەنت كۇشىمەن (7 قىزمەتكەر, 2 تەحنيكا) 16.25-تە ءسوندىرىلدى.