فۋتزالدان قازاقستان مەن برازيليا كەزدەسۋىن قايدان جانە قاشان كورۋگە بولادى؟

قازاقستان مەن برازيليا اراسىنداعى ويىندى ەلوردا ۋاقىتىمەن 21:00-دە قازاقستان ۇلتتىق تەلەارناسىنىڭ تىكەلەي ەفيرىنەن جانە ارنانىڭ رەسمي سايتىنان تاماشالاي الاسىزدار.

برازيليا كومانداسى توپتىق كەزەڭدە ۆەتنام, چەحيا, پاناما فۋتزالشىلارىن وڭاي ۇتسا, 1/8 فينالدا جاپونيادان 4:2 ەسەبىمەن باسىم ءتۇستى. سونىمەن قاتار, 1/4 فينالدا ماروككومەن كەزدەسىپ, 1:0 ناتيجەسىن تىركەدى. تەك جارتىلاي فينالدا وڭتۇستىك امەريكا قۇرلىعىنداعى تۇراقتى قارسىلاسى ارگەنتيناعا ەسە جىبەردى.

ال كاكا شاكىرتتەرى ءوز توبىندا ليتۆا جانە كوستا-ريكا قۇرامالارىن ءىرى ەسەپپەن ۇتىپ, ۆەنەسۋەلامەن تەڭ ءتۇستى. ءتۋرنيردىڭ 1/8 فينالىندا تايلاند كومانداسىنا جاۋاپسىز جەتى گول سوقسا, شيرەك فينالدا يران ويىنشىلارىن ۇيىنە قايتاردى. وكىنىشكە قاراي, فينالعا جولداما بەرىلەتىن ماڭىزدى ماتچتە پورتۋگاليا قۇراماسىنا پەنالتي سەرياسىندا ەسە جىبەردى.