اتىراۋ وبلىسىندا كوروناۆيرۋس ينفەكتسياسىنان 710 ادام ۇيىندە ەمدەلىپ جاتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, وتكەن تاۋلىكتە – 1 قازاندا 56 ادام كوروناۆيرۋس ينفەكتسياسىن جۇقتىرعان. ونىڭ ىشىندە اتىراۋ قالاسىندا انىقتالعان 32 ناۋقاس بار. سونداي-اق, تەڭىز كەن ورنىندا – 4, قۇرمانعازى اۋدانىندا – 8, قىزىلقوعادا – 5, يندەردە – 4, جىلىويدا – 2, يساتاي اۋدانىندا 1 ادام قاۋىپتى ۆيرۋسقا شالدىققان.
«قازىر كوروناۆيرۋس ينفەكتسياسىنان ەمدەلۋ ءۇشىن 710 ادام ءۇي جاعدايىندا وقشاۋلاندى. ال, مودۋلدىك اۋرۋحانادا – 120, №2 وبلىستىق اۋرۋحانادا – 55, تەڭىز كەن ورنىنداعى ستاتسيوناردا – 82, اۋداندارداعى ينفەكتسيالىق ستاتسيونارلاردا 41 ناۋقاس ەمدەلىپ جاتىر. وتكەن تاۋلىكتە قاۋىپتى ۆيرۋستان 97 پاتسيەنت ەمدەلىپ شىقتى» دەپ حابارلادى باسقارمانىڭ ءباسپاسوز قىزمەتى.