ەلىمىزدە ىنتىماقتى جانە بازالىق زەينەتاقىنىڭ كولەمى قانداي جانە بيىل ول قانشا پايىزعا ءوستى؟ قر ەڭبەك جانە حالىقتى الەۋمەتتىك قورعاۋ مينيسترلىگى بۇگىنگى زەينەتاقى جاعدايىنا قاتىستى تۇسىنىكتەمە بەردى, دەپ حابارلايدى Egemen.kz.
«ەلىمىزدە 2 ملن 236 مىڭنان استام زەينەتكەر تۇرادى. ءاربىر ازاماتتىڭ قارتتىق شاعىن لايىقتى قامتاماسىز ەتىپ, قامقورلىق جاساۋ ۇكىمەتتىڭ الەۋمەتتىك ساياساتىنىڭ نەگىزگى مىندەتتەرىنىڭ ءبىرى. بۇگىندە مەملەكەت زەينەتاقى جۇيەسىن جەتىلدىرۋ بويىنشا تۇراقتى نەگىزدە شارالار قابىلداپ جاتىر. ماسەلەن, بيىل 1 قاڭتاردان باستاپ ىنتىماقتى زەينەتاقىنىڭ مولشەرى 7%-عا, بازالىق زەينەتاقىنىڭ مولشەرى 5%-عا ءوستى. سونداي-اق 2018 جىلعى 1 شىلدەدەن باستاپ بازالىق زەينەتاقى كولەمى زەينەتكەردىڭ ەڭبەك وتىلىنە قاراي سارالانىپ بەلگىلەنەدى», دەپ حابارلايدى مينيسترلىكتەن.
ەڭبەك مينيسترلىگىنىڭ مالىمەتىنشە, قازىرگى ۋاقىتتا ەلىمىزدە بازالىق زەينەتاقىنىڭ ەڭ تومەنگى مولشەرى 18,5 مىڭ تەڭگە بولسا, ەڭ جوعارى مولشەر 39,3 مىڭ تەڭگەنى قۇرايدى. ال بيىل 1 قىركۇيەكتەگى جاعداي بويىنشا قازاقستاندىقتار الاتىن ورتاشا زەينەتاقى مولشەرى 31,1 مىڭ تەڭگەنى قۇرايدى ەكەن.
«2021 جىلعى 1 قىركۇيەكتەگى جاعداي بويىنشا ىنتىماقتى زەينەتاقىنىڭ ورتاشا مولشەرى 68,8 مىڭ تەڭگەنى, ەڭ جوعارى مولشەرى – 100,6 مىڭ تەڭگەنى, ەڭ تومەنگى مولشەرى – 43,3 مىڭ تەڭگەنى قۇرايدى», دەلىنگەن حابارلامادا.