شىمكەنتتە ەكسكاۆاتور جۇرگىزۋشىسىنىڭ كەسىرىنەن 6500 ابونەنت گازسىز قالدى. جۇرگىزۋشى كەشە تۇندە ساعات 22:00 شاماسىندا الماتى اينالما جولىندا جەر قازۋ جۇمىستارىن جۇرگىزگەن, دەپ حابارلايدى Egemen.kz.
سالا ماماندارىنىڭ مالىمەتىنشە, وقيعا ورنىنا اۆاريالىق قۇتقارۋ بريگاداسى كەلگەن. تەكسەرۋ جۇرگىزگەن ماماندار ەكسكاۆاتور جۇرگىزۋشىسىنىڭ جەراستى جوعارى قىسىمدى دۋ-315مم پوليەتيلەن گاز قۇبىرىنا زاقىم كەلتىرگەنىن انىقتاعان. سالدارىنان قازىر سول ماڭداعى 6500 تۇتىنۋشى مەن 35 بىرلىك كوممۋنالدىق-تۇرمىستىق كاسىپورىن, 6 ونەركاسىپتىك كاسىپورىن گازدان اجىراتىلعان. كىنالى جۇرگىزۋشىنى اباي اۋداندىق پب قىزمەتكەرلەرى ىزدەستىرۋدە.