قازاقستان مەن رەسەيدىڭ XVII وڭىرارالىق ىنتىماقتاستىق فورۋمىندا مەملەكەت باسشىسى قاسىم-جومارت توقاەۆ ۆلاديمير پۋتينگە ريزاشىلىعىن ءبىلدىردى, دەپ جازادى Egemen.kz.
قاسىم-جومارت توقاەۆ رەسەي پرەزيدەنتى ۆلاديمير پۋتينگە ەپيەمديانىڭ العاشقى كەزەڭىندە قازاقستانعا كورسەتكەن كومەگى ءۇشىن ريزاشىلىعىن ءبىلدىردى.
«رەسەي قايتارىمسىز نەگىزدە ءدارى-دارمەك زاتتارىن جەتكىزىپ, تەست-جۇيەسىن ۇسىندى. قازاقستاندىق ازاماتتاردى ەۆاكۋاتسيالاۋعا جان-جاقتى كومەك كورسەتتى. بىرنەشە اپتا بويى رەسەيلىك دارىگەرلەر قازاقستاندىق ارىپتەستەرىمەن يىق تىرەستىرە ءجۇرىپ, ەڭ كۇردەلى وڭىرلەردە جۇمىس ىستەدى, وزدەرىنىڭ كاسىبي مىندەتتەرىن ادال اتقاردى. تاجىريبەسىن جانە ءبىلىمىن ءبولىستى. وسىناۋ كەزەڭدە ىنتىماقتاستىعىمىزدىڭ جەكە ماڭىزدى كەزەڭى ءبىزدىڭ جۇزبە-ءجۇز ۋاعدالاستىعىمىزدى جۇزەگە اسىرۋ ءۇشىن قاراعاندى فارماتسەۆتيكالىق كەشەنى بازاسىندا «سپۋتنيك V» ۆاكتسيناسى ءوندىرىسىنىڭ ىسكە قوسىلۋى بولدى. مۇنىڭ بارلىعى دا رەسەي قازاقستاننىڭ ستراتەگيالىق سەرىكتەسى, وداقتاسى ەكەنىن دالەلدەدى», دەدى پرەزيدەنت.