30 قىركۇيەكتە فۋتزالدان قازاقستان ۇلتتىق قۇراماسى ليتۆادا ءوتىپ جاتقان الەم چەمپيوناتىنىڭ فينالىنا شىعۋ ءۇشىن ماتچ وتكىزەدى. كەزدەسۋ نۇر-سۇلتان ۋاقىتىمەن ساعات 23.00-دە باستالادى, دەپ حابارلايدى Egemen.kz.
جارتىلاي فينالدا كاكا قۇراماسىنا قارسىلاس ەۋروپانىڭ قازىرگى جەڭىمپازى - پورتۋگاليا قۇراماسى بولماق.
ويىندى Qazsport تەلەارناسى تىكەلەي ەفيردە كورسەتەدى.ايتا كەتەيىك, الەم چەمپيوناتىنىڭ ءبىرىنشى ءفيناليستى انىقتالدى. ارگەنتينا قۇراماسى برازيليا قۇراماسىن 2:1 ەسەبىمەن جەڭدى.
قازاقستان پرەزيدەنتى قاسىم-جومارت توقاەۆ فۋتزالدان قازاقستان ۇلتتىق قۇراماسىنىڭ جەڭىسى تۋرالى پىكىر ءبىلدىرىپ,«سەنساتسيا» دەپ اتاعان بولاتىن.