ميلليونەر مۇعالىم

«جىل مۇعالىمى» اتانعان اللا بۋرەنكوۆا الماتىداعى №42 مەكتەپتە مۋزىكا پانىنەن ءدارىس بەرەدى. ساباق وتكىزۋ بارى­سىنداعى تىڭ تاسىلدەرى مەن ايرىقشا ادىستەمەلەرى حالىق­ارالىق باسىلىمدارعا جاريا­لانعان تالىمگەردىڭ شاكىرت­تەرى دە عىلىمي دودالاردا توپ جارىپ ءجۇر. ءوز ىسىنە جان دۇ­نيە­سىمەن بەرىلگەن ۇستاز رەسپۋبليكالىق بايقاۋدا باعى جان­عانىنا ءدان ريزا. ەندى ول «الەم مۇعالىمى» جوباسىندا ەل نامىسىن قورعايدى. ايتا كەتۋ كە­رەك, الداعى جىلعا جوس­پار­لا­نىپ وتىرعان الەمدىك باي­قاۋ­­دىڭ جۇلدە قورى – 1 ملن دوللار.

– جۇزدەگەن جاننىڭ اراسىنان سۋىرىلىپ شىعىپ, جىل مۇعالىمى اتان­عانىما قۋانىش­تىمىن. بۇل – ۇلكەن مەرەي ءارى زور جاۋاپكەرشىلىك. ماعان سەنىم بىلدىرگەن جاندارعا العىسىم زور. اتالعان كونكۋرس  –شى­نىمەن دە ماماندار تاجى­­ري­بەسىن شىڭداپ, ىنتالاندىراتىن اي­رىقشا جوبا. زاماناۋي مۇعالىم ارقاشان ىزدەنىس ۇستىندە ءجۇرىپ, ءوزىن جە­تىلدىرىپ وتىرۋى كەرەك. «الەم مۇعالىمى» بايقاۋىندا ەل نا­مىسىن ابىرويمەن قور­عاۋعا بارىمدى سالامىن. باستى ماقسات – شاكىرتتەرىمنىڭ سانالى ازامات بولىپ قالىپ­تاسۋى, – دەيدى اللا بۋرەنكوۆا.

جىلدىڭ ۇزدىك ۇستازى رەس­پۋب­لي­كالىق بايقاۋى قوعام­دىق ما­ڭىزى بار باستامالاردى دامىتۋ قورىنىڭ قولداۋىمەن ءۇشىنشى رەت ۇيىمداستىرىلىپ وتىر. ۇزدىكتەردى انىقتاۋ با­رىسىندا مۇعالىمنىڭ الەۋمەتتىك شارالارعا بەلسەنە قاتىسۋى مەن ساباق بەرۋدەگى ەرەكشە ادىستەمەسى نازارعا الىن­دى. ۇمىت­­كەرلەردىڭ ەڭ­بەگىن تاۋەلسىز ساراپ­شىلاردان قۇ­رالعان پەدا­گوگيكانىڭ جەتەك­شى ماماندارى, قوعام قايراتكەرلەرى جانە اتا-انالار قاۋىمداستىعىنىڭ وكىل­دەرى باعالاعان. قوعامدىق ما­ڭىزى بار باستامالاردى دامىتۋ قورىنىڭ قۇرىلتايشىسى ءاليا نازارباەۆا ەلىمىزدە «جىل مۇ­­عا­لىمى» ۇلتتىق سىيلىعىن وتكى­­زۋ داستۇرگە اينالاتىنىن جەت­كىزدى.

ەسكە سالساق, سەمەيدەگى نازار­باەۆ زياتكەرلىك مەكتەبى­نىڭ مۇعا­لى­مى اسحات جۇمابەكوۆ بىلتىر جاھان­دىق سىيلىقتىڭ ءفيناليسى اتانىپ, الەمنىڭ ۇزدىك 50 مۇعالىمى ساناتىنا ەنگەن ەدى.

الماتى