ۇلتتىق بانك 2021 جىلعى 1 قىركۇيەكتەگى جاعداي بويىنشا, سالىمشىلاردىڭ زەينەتاقى جيناعى 0,25%-عا ۇلعايىپ, 12 945,8 ملرد تەڭگەگە جەتكەنىن حابارلادى, دەپ جازادى Egemen.kz.
2021 جىلعى 1 قىركۇيەكتەگى جاعداي بويىنشا, سالىمشىلاردىڭ زەينەتاقى جيناعى جىل باسىنان بەرى 32,4 ملرد تەڭگەگە نەمەسە 0,25%-عا ۇلعايىپ, 12 945,8 ملرد تەڭگەگە جەتتى.
2021 جىلعى قاڭتار-تامىزدا زەينەتاقى اكتيۆتەرىن ينۆەستيتسيالاۋدان تۇسكەن تازا كىرىس 2 938,9 ملرد تەڭگەگە ۇلعايدى.
مىندەتتى زەينەتاقى جارنالارى بويىنشا سالىمشىلاردىڭ جەكە زەينەتاقى شوتىنىڭ سانى (زەينەتاقى جيناقتارى جوق جزش-نى ەسكەرە وتىرىپ) 10,9 ملن شوت بولدى.
ال زەينەتاقى تولەمدەرىنىڭ سوماسى 2,0 ترلن تەڭگەنى قۇرادى.
بجزق جيىنتىق ينۆەستيتسيالىق پورتفەلىنىڭ نەگىزگى ۇلەسىن قر مەملەكەتتىك باعالى قاعازدارى مەن قر ەميتەنتتەرىنىڭ مەملەكەتتىك ەمەس باعالى قاعازدارى الادى.