نۇر-سۇلتاندا بەلارۋس رەسپۋبليكاسىنىڭ مادەنيەت كۇندەرى وتەدى

مادەنيەت كۇندەرى اياسىندا قر مادەنيەت جانە سپورت مينيسترلىگىنىڭ قولداۋىمەن بىرنەشە شارا جوسپارلانعان. 

1-3 قازان - «كەرۋەن» ساۋدا ويىن-ساۋىق ورتالىعىندا Kinopark-تا 7-دە بەلارۋس كينوسىنىڭ كۇندەرى وتەدى. كورسەتىلىم ۇلى وتان سوعىسى جىلدارىنداعى بەلارۋس پارتيزاندارىنىڭ ءومىرى تۋرالى باياندايتىن «سابوتەر تاعدىرى» (1 قازان, 19.00) فيلمىمەن اشىلادى.

سونداي-اق «سلەدى نا ۆودە», «پەرەزۆون», «بەلارۋس, ءادزىنستۆا», «ۋنوۆيس» كوركەم فيلمدەرى مەن «زۆەزدى 7-گو نەبا», «263 نوچي», «يگرۋشكا», «بوەۆايا ماشينا», «لوجكا دليا سولداتا» انيماتسيالىق فيلمدەرىنىڭ كورسەتىلىمدەرى بولادى. 

2 قازان ساعات 19.00-دە Qazaqstan ورتالىق كونتسەرت زالىندا - بەلارۋس رەسپۋبليكاسىنىڭ جەتەكشى سوليستەرى مەن شىعارماشىلىق ۇجىمدارىنىڭ گالا-كونتسەرتى وتەدى. كونتسەرتكە بەلارۋس رەسپۋبليكاسىنىڭ ەڭبەك سىڭىرگەن ارتىستەرى ۆيكتوريا الەشكو, الەكساندر سولودۋحا, الەنا لانسكايا, «مەدۋنيتسا» ءان-بي ءانسامبلى, بەلارۋس مەملەكەتتىك اكادەميالىق بي ءانسامبلى جانە ت.ب قاتىسادى.

2-3 قازان - قر ۇلتتىق مۋزەيىندە «قازىرگى بەلارۋس - جاس سۋرەتشىلەردىڭ كوزىمەن» سۋرەت كورمەسى ۇيىمداستىرىلادى.