يسپانيانىڭ سيتجەس قالاسىندا ايەلدەر اراسىندا شاحماتتان فيدە كوماندالىق الەم چەمپيوناتى جالعاسۋدا, دەپ حابارلايدى Egemen.kz.
قازاقستان ايەلدەر قۇراماسى تۋرنير كەستەسىندەگى ەكىنشى ويىن كۇنىنەن كەيىن «ۆ» توبىنىڭ التى كومانداسىنان 4-ءشى ورىنعا ءتۇستى. قازاقستاندىق شاحماتشىلار ۋكراينا وكىلدەرىنە 1,5:2,5 ەسەبىمەن ەسە جىبەردى. ءبىر پارتيانى مەرۋەرت كاماليدەنوۆا عانا جەڭىپ الدى, دينارا سادۋاقاسوۆا تەڭ ويناسا, جانسايا ابدىمالىك پەن گۇلميرا داۋلەتوۆا ءوز كەزدەسۋلەرىنەن ۇتىلدى.
قازاقستاندا فيدە امەريكا جانە پولشا كوماندالارىمەن ەكى ويىن قالدى. قازاقستاندىق شاحماتشىلاردىڭ 2021 جىلعى الەم چەمپيوناتىنىڭ پلەي-وففىنا وتە الاتىنى وسى ماتچتاردىڭ ناتيجەسىنە بايلانىستى بولماق.