2020 جىلدان باستاپ سىبايلاس جەمقورلىق فاكتىلەرى تۋرالى حابارلاعان ازاماتتاردى ىنتالاندىرۋدىڭ جاڭا جۇيەسى ەنگىزىلدى, دەپ حابارلايدى Egemen.kz شىعىس قازاقستان وبلىسىنىڭ سىبايلاس جەمقورلىققا قارسى قىزمەتىنە سىلتەمە جاساپ.
قازىرگى ۋاقىتتا سىبايلاس جەمقورلىق قۇقىق بۇزۋشىلىق تۋرالى حابارلاعانى ءۇشىن پارا نەمەسە كەلتىرىلگەن زالال سوماسى 1000 اەك-تەن اسپايدى, قىلمىستىڭ اۋىرلىعىنا بايلانىستى سىياقى 30-دان 100 اەك-كە دەيىن قۇرايدى.
سىبايلاس جەمقورلىق فاكتىسى تۋرالى 1000 اەك-تەن استام زالال كەلتىرگەنى ءۇشىن سىياقى 10 پايىزدى قۇرايدى, بىراق 4000 اەك-تەن اسپايدى. مىسالى, ەگەر پارا نەمەسە كەلتىرىلگەن زالال مولشەرى 50 ملن تەڭگە بولسا, وندا سىبايلاس جەمقورلىق فاكتىسى تۋرالى حابارلاعان ادام سوت ۇكىمىنەن كەيىن 5 ملن تەڭگە الادى.
بيىلدان باستاپ شىعىس قازاقستان وبلىسىندا سىبايلاس جەمقورلىق فاكتىلەرى تۋرالى وبلىستىق سىبايلاس جەمقورلىققا قارسى قىزمەتىنە حابارلاعان 4,5 ملن تەڭگەدەن استام سوماعا 6 ازامات ىنتالاندىرىلدى.
بۇل رەتتە بيىل سىياقىنىڭ ەڭ جوعارى مولشەرى 4 ملن تەڭگەنى, ەڭ تومەنى – 138 900 تەڭگەنى قۇرادى.
سىبايلاس جەمقورلىق فاكتىلەرى تۋرالى حابارلاعان, سونداي-اق وعان وزگە دە جولمەن جاردەمدەسەتىن ادامداردى قولداۋ سىبايلاس جەمقورلىققا قارسى ءىس-قيمىل بويىنشا پارمەندى تەتىك بولىپ تابىلاتىنىن اتاپ ءوتۋ قاجەت. سىبايلاس جەمقورلىق فاكتىسى تۋرالى حابارلاعان ادامداردى قورعاۋ «سىبايلاس جەمقورلىققا قارسى ءىس-قيمىل تۋرالى» قازاقستان رەسپۋبليكاسى زاڭىنىڭ نورمالارىنا سايكەس جۇزەگە اسىرىلادى. بۇل رەتتە مۇنداي جاعدايلار تۋرالى حابارلاعان ادام اقشالاي قاراجاتپەن قامتىلىپ قانا قويماي, مەملەكەتتىڭ قورعاۋىندا بولادى. مۇنداي ادام تۋرالى اقپارات مەملەكەتتىك قۇپيا سانالادى.