قازاقستاندىق فايتەر جالعاس جۇماعۇلوۆ كەلەسى جەكپە-جەگىن 4 جەلتوقساندا وتكىزەدى. ول انگولالىق مانەل كاپەمەن كەزدەسەدى, دەپ حابارلايدى Egemen.kz.
بۇل تۋرالى Vesti.kz باسىلىمى ءمالىم ەتتى.
قازاقستاندىق سپورتشى الداعى جەكپە-جەگى تۋرالى Instagram-پاراقشاسىندا جاريالادى. بۇل جۇماعۇلوۆتىڭ UFC-مەن جاڭا كەلىسىمشارتى بويىنشا ءبىرىنشى جەكپە-جەگى.
جەكپە-جەك لاس-ۆەگاستا (نەۆادا, اقش) UFC Fight Night 199 تۋرنيرىندە وتەدى. جاپوندىق Rizin Fighting Federation فەدەراتسياسىنىڭ ەكس-چەمپيونى, انگولالىق بوكسشى مانەل كاپە قازاقستاندىققا قارسىلاس بولادى. جۇماعۇلوۆ سوڭعى جەكپە-جەگىن شىلدەدە لاس-ۆەگاستا (نەۆادا, اقش) UFC 264 تۋرنيرىندە وتكىزىپ, امەريكالىق دجەروم ريۆەرانى قىلعىندىرۋ ادىسىمەن جەڭدى. UFC-مەن جاڭا كەلىسىم بويىنشا ءتورت جەكپە-جەك ءوتۋى كەرەك.