قازاقستاندا ەت قىمباتتادى

بۇل تۋرالى energyprom.kz سايتى ءمالىم ەتتى.

قوي ەتى 14,6 پايىزعا قىمباتتاعان. سونداي-اق, جىلقى ەتى باعاسىنىڭ ەداۋىر ءوسۋى بايقالدى - 9,4 پايىز. سيىر ەتى 7,8 پايىزعا, قۇس ەتى 3,2 پايىزعا قىمباتتاعان.

تامىزدا دۇكەندەر مەن بازارلاردا سيىر ەتىنىڭ ءبىر كەلىسى ءۇشىن ورتاشا العاندا باعا 2,2 مىڭ تەڭگە شەگىندە قۇبىلىپ وتىردى. جىلقى ەتىنىڭ قۇنى ءبىر كەلىسى ءۇشىن 2,5 مىڭ, قوي ەتى - 2,4 مىڭ تەڭگە.   ستاتيستيكاعا سۇيەنسەك, قاڭتار-تامىزدا ەت ءوندىرىسى 43 مىڭ توننا بولدى, بۇل بىلتىرعى 8 ايداعى كورسەتكىشتەن 4,6 پايىزعا از. قۇس ەتىن ءوندىرۋ, كەرىسىنشە, 4,3 پايىزعا ارتىپ, 71,6 مىڭ تونناعا جەتتى.   سونداي-اق, باعانىڭ قىمباتتاۋىنان كەيىن ەلدە ەت تۇتىنۋ ازايعان. ءبىرىنشى جارتىجىلدىق قورىتىندىسى بويىنشا قوي ەتىن تۇتىنۋ جان باسىنا شاققاندا 10,6 پايىزعا - 2,5 كەلىگە دەيىن, تاۋىق ەتىن تۇتىنۋ 4,4 پايىزعا - 2,2 كەلىگە دەيىن قىسقارعان. سونىمەن بىرگە سيىر ەتىن تۇتىنۋ ءتىپتى جان باسىنا شاققانداعى ورتاشا ەسەپپەن 0,9 پايىزعا 11,8 كەلىگە دەيىن ءوستى.